Luine diveski rat, duy manusha lindisale palo yekh phayaripe e vasteska bombako pashe yekh hoteli ani Vrtloriguni Mitrovica. O Lindime manusha si kotar o serbyuno komuniteti thay ningardile ano Mitrovicako Hospitali.

Talodirektori e Policiako ani Vrtlorig, Veton Elshani, dengya deklarata vash o RTK-live.

“Irati pashe ora 23:50, phayrili yekh vasteski bomba/granata ano hoteli “Bisevac” ani Vrtloriguni Mitrovica. Akava phayripe rumingya 7 vrde thay duy personya lindisale, yekh olenfar sile may phare rane, numay dur jivdipaske rizikostar. Relevantyune policiake patrule siton ano suresko than thay suroa”, phengya o Elshani

Yekhe dromea o telegrafi raportingya kay vi o EULEX-I vi o KFOR-i Lenape akale suroa thay o sebepi vash akava phayaripe pandar na jangyola.

Elshani deklaringya kay pandar niko na ne phandilo thay nashti pakyalape kay akava suro sile etnikuno puqipe.