Adive o samay mothavela khameya thay uqe temperature ji pe 33 gradya, e minimaluni temperatura ka ovel 17 ji 19°C, numay odoya maksimaluni 33 ji 36°C.
Phando e MeteoKosova tetrade divestar yase adivestar ka shrdel o baro tatipe may tele shay te arakhen nesave godideipya sar te garaven korkore tumende kotar o uqhe temperature:
Pederal o tate dive sitov mahatno te den mahatnipe korkore tumenge te graven korkore tumen, may tele shay te arakhen nesave harno thay praktikno informacie:
Piyeni but pani ine te sine kay na siyen payneske, deni mahatnipe vash te oven hidratime, thay besheni dur e kafeinata thay alkoolesta.
Personya kola silen hipertensia yase uqhe rat neglizhineni o iklipya ano tate orya, propozingyola kay agli ora 9:00 te agorinen tumen bukya thay ji pe ora 18:00 ma ikloveni nigde vash o sebepi e zorale khamesko kote shay te nashalen kokore tumende.
Neglizhineni o pharo habe, sitov mahatno te han sasto te ciden o khlilalo habe thay o konzervime habe shay te infektingyoven.
Mevalya thay o frutya konsumineni may but vash o sepebi kay on silen vitaminya thay pani kote ajutinla tumare organizmo vash hidratipe.
