Alosaripyengi Centraluni Komisia, adive organizingya o cidipe e shortesko vash o rendo ano votuipaskelila ano alosaripya e 7.to yuneske.
Vetvendosya cidingya o gendo 116 thay ano facebook hraminde kay o 116 si e vijaipasko gendo.

PDK cidinde o gendo 125 thay o sheruno Bedri Hamza hramingya 125 – vash savore kola pakyana kay e Kosova uvlo godyalipa, bukya thay dinyitetea vash te inara o than ko serioziteti thay pakyavipe.

LDK partiako sheruno Lumir Abdixhiku phengya kay o gendo 113 si olengo gendo, yekhipasko gendo, palem ushtipasko gendo, republikako gendo kay pakyala popay. Ano yuni, iloa, pakyalipa, e LDK-ea.

Vi o AAK informinde kay lengo gendo si 128 thay lengo kandidati vash Sherunoministo si o Ardian Gjini.