Janipea kay siyem ano alosaripesko procesi, sakoya partia startingya te pherel pere liste e neve anavencar. Ayekha kay e partia PREBK mashkare pere ofisialune platforme prezentinende angluno nevo anav koya ka ovel kotor e alosaripyenga listaki.

Shyret Hoxhaj koya si penjardi sar aktivista e romane komuniteteski, koya reprezentingya e romane komunitete ano Prizrenoska Komunako Komiteti vash o Komunitetya may buderi se yekh bersh, thay koya sine kotor e BRO Durmish Aslano ano ver-verune pozicie sar moderatora ano Radio Romano Avazo, koordinatora vash o juvla thay terne thay administratora, akana ovla kotor e partiaki PREBK.

Akaya informacia ulavdili kotar o sheruno e partiako Albert Kinoli, ani piri oficialuni qham ano facebook.