Yek ulavdo filmi,realizimo kota yek srbyuno rezhiseri kova putergya yek kota may phandi epizoda ani ex- Yugoslavia-ka puterel programi e premierako ano kinema e Prizrenoska dizako. “The Load”, e rezhia kota Ognjen Glanovic, ka sikagyol arat ano “DokuKimo”. Filmi e orginaluna titula “Teret”numay “Pharipe” anla vakeripe e Vladanesko (Leon Luçev), koleske dendilo obligipe te transportinel kamioni kota Kosova ani Srbiya.

Ano 1999 bersh, pe lungipe e bombardipasko kota NATO rejimi e Milosheviqesko shrdingya kampanja e garavipaski vash agorimo krim ani Kosova kota policiake thay askeriake force. Vash akava sebepi sito ekzekutimo proyekti vash kufome e murdaripaske viktimyengo ani Kosova ano dogripe e Srbiyako prekal kamionya thay kay sasavipeya isiton parunde ano masivuno limori andre obyekti e specialuna policiaka kasarnako ani Bataynica.

Sar isito hramimo ano penjaripe kota “The Load” ano Prizren,korkoro rezhiseri Ognjen Glanoviq,pelarla pe godi kay akale proyektea mangla te sikavel se sar diklola sine olesko them pe odova vahti.