Sinopsisi e dramako: “Majia”

E drama “Magia” tretirinla e romane adetyengi problematika, may angle odoya kotar o teluno niveli e edukaciako thay e kulturako, ayeka kay khuvena o quqe pakyavipya kola siton pandar prezentune ani romani populacia. Ayeka, ani drama kritika kergyola o deskruktivuno, hovavno sheho, kova vash o “Magie” kola kerla, lela baro pokipe. Kotar e duyto rig o pozitivno sheho demaskirinla odole anglune, mothavdilo oleske hovavne thay quqe keripya. Akaleya e drama lela pozitivuno thay progresivuno katrakteri.
E drama kola sila nesave dikhipya lela komediako karakteri.

Resipe e dramako “Majia”

Palo maribe, ani Kosova o romano teatro pale aktiviringyola tali e Naraipni Organizacia “Durmish Aslano”, kote yekhatar pale kerla buti talo kulturako kher “Jemali Berisha”. Akaya ver putarde ajukarde o romano teatro bare phikoipea o jene kotar o kulturako kher “Jemali Berisha”, ano qekat e dirktorea Dashnor Xherza, kote ini gatisargyola e drama “Magia”. O Autori e dramako sitov o Nejip Menekshe, kote vi ayeka sito ini rejisori e dramako. E leparni drama mothavdili pe 8. Aprili 2001 bersh kova sito Intrenacionalno dive e Romengo. E drama akale bersheste, kana e situacia pandar na sine siguruni vash e romenge, janglargya baro interesipe e romano themeske, sar ini but yaverune jenenge e Prizrenoske komunitetyenge. Numay, te muthavgyol kay o diklaripe e dramako akale diveste avla yekh e anglune romane kedipeya kova kerdilo ano angluno Romano Kongresi, kova adikardilo ano London 1971, bersheste.

Rolya:

O Durmishi------------Jelal Dogani
O Jemili----------------Daut Qulanji
E Safiya----------------Mikriban Mulamisini
O Bayramo------------Aynur Meho
O Haydari-------------Suleyman Elshani
O Faredini------------ Nejip Menekshe
E Saniya---------------Turkan Menekshe
E Bahriya------------- Urma Menekshe
O Idrizi----------------Bayram Galushi
O Hasano-------------Votim Larosh