Aktualune Nevipya
Duda Balje: Te kreiringyol o registrya e pedofilyengo ani Kosova
- 12/02/2019
- By Romano Avazo
![](https://radioromanoavazo.com/app/uploads/2019/02/51926032_248400956110584_7062904960417005568_n.jpg)
Deputetka e Kosovaka Kupatnako , Duda Balje phengya kay manglape te kreiringyol o registry e pedofilyengo ani Kosova
Sar si pe late, o pedofilya na mangna te saslargyon feri so na mangna te ciden vast kotar pere mangipya thay poro qhalaripe.
“ Yekhuni forma kay te marahape mamuy olen si kay te edukingyova sar amen te penjara olen, kola si olenge karakteristike, sar alosarna e viktima, te penjara olenge adikeripe, ani yekhuno vahti ini te penjara olengi prezenca kana si pashe o qhavore”, hraminla oy ano poro jami e Facebookesko- transmetinla Inddeksonline.
E Bale konsiderinla so o kreiripe e pedofilengo registresko lelape kan na numay publikipe olenge identitetesko numay ini dikhipe o regularuno kontrolipe upral olengo adikerie palo agoripe e bangipesko.