Lipyaneska Policiako Kapiteni, Argjend Gashi, fulisalo kotar piri buti sar Sahastarno Direktori e Policiako, yekhatar palo tragikuno ovipe e meripaske e 27 bershune qhavesko ani akaya komuna.

Ano resursya e Dukagjineske lelolakan kay ano lesko than lelilo o Brahim Shatroli, yekh ofiseri kotar o Ferizai, kova ka kerel direktipe e Policiako ano Lipyani.

Vi ayekha brandisale ano yekh qhonyuno anglo-brandipe o policya kola lele kotor ani akcia vash te aqhaven e 27 bershune kote on mashkari violenca lele lesko duho.

Tetrade dive, erati ano ikliste angli kriselin kote e seanca lungili nesave orya thay e kriselin dengya vash savore anglo-brandipe e sah refuzipyendar kotar o garavipe.

Avokati e yekhe policesko, Besnik Berisha, vazdingya bikapyavipya vash e mule qhavesko Saslaripe thay potenciringya kay pandar nane o saslaripasko krisyuno raporti kova ka klarifikinel o meripe.