Ini palo inja dive e protestako kota butikerutne ano edukipe ano savore edukipaske nivelya ani Kosova,leipe pe dikhipe ini anglo skoluipe,Ministria vash Edukipe skenca thay Teknologiya, na sila adekvatyuno alosaripe kay sikavne thay siklarne te irangyon ano procesi e siklipasko. Rahman Jashari,presidento ani Ketanyuni sindikata vash edukipe,skenca thay kultura, sikagya buderi opciye,sar te achagyol protesta. Amen siyem gatisarne te phirava diyalog,feri so ni yek ver na dengyam sugeripya.Amaro propozipe jangyola thay isito publikuno:vazdipe e koeficiyentesko vash may hari 30% ano edukipasko sektori. Duto shaipe isito te cidingyol Kris vash masekuno pokipe.

Kosovako raipe ji akana korkoro pashargya vash masekuno pokipe ano bujeti e linyako vash 2019 bersh te vazdingyon vash 20 milionya eurya kova isito vash edukativune butikerutne thay Ketanyuni sindikata na konsiderimi. Imer Imeri, isito obligativuno te phiravel finansiye thay gndinla kay Proyekt krisi kota procedura e ansambleaki numay kethane e Guvernipa gatisarde nevo proyek krisi. Duyto variyanta isitoy tiknaripe ano mol e koeficiyentesko :239 eurya isito momentalno,numay rodingyola korkoro 220, vash te garagyon 54 milionya eurya,numay odola milionya pherna kriteri e sindikatako.

Direktroi e Centresko vash edukipe ani Kosova, Dukajin Pupovci,diklarla kay o kriteruyum isito shayutno,numay te sine kay na si shaipe,odoya ver na manglape masekuno pokipe te vazdingyol. Pupovci vash Indeksonline vakergya kay pana isi buhlipe kay Proyekt Kris vash masekuno pokipe kova isito ani procedura te yaveringyol,thay te cidingyol,feri so isi buderi na calarne kategoriye. “Ake desh bersha dena lafi vash vazdipe e masekune pokipesko thay socialuno deipe ovela ani strategiya vash leipe e alosaripasko.

Te na bistera kay pe lungipe e kampanjako ano nacionalune alosaripya 2017,bersh koaliciya PAN dengya hrami pe lil Memorandum vash edukipe,skenca thay kultura, vash masekuno pokipe e edukativune butikerutnnege vash 30%,kova sasavipeya na sito realizimo,feri so ano cacipe sine na realuno.Mangava sine kay akava te ovel agorutno lekanipe, feri so deipe e lafyengo anla ano na stabilyuno them e bujetesko .

Sherunoministri Haradinay, inistirinla kay sikavne so may sig te shrden e bukya,feri so sah nilay ka oven obligipe te pheren nashalde orya. Ano mashkar e vahtesko sheruno e parlamentesko Kadri Veseli, bichalgya lil e Komisiyake vash administracia,lokaluno than thay mediye,kolesta rodingya kay diklaripa kota Kris vash masekuno pokipe,koeficiyenti e ansamblako te tiknol kota 11 pe 9. Scipe Pantina kota Sociayaluni Demokratiyaki Partiya ani Koosva ani piri rafin Facebook hramingya kay” achavipe kota masekuno pokipe uce politikune ofiseske aver butikerutnenge ano publikuno sektori,leipe pe dikhipe sastipe, kontribuina achavipe ano na baziripe ano amalipe”vakergya Patina.

Numay,achavipe koeficiyentesko isito kota ponj kriteriyumya koya Sociyal Demokrativuni Kosovaki Partiya thogya ano Kosovako Raipe,ayeka kay konsiderinla ano servisi yeke yavere,votuinla vash Proyekt Kris e bujetesko vash 2019-to bersh.

KosovaLive – Violeta Oroshi Berishaj

Iranipe pe romani chib - Vera Galushi Paçaku