Tetrade dive ano Siriues e Prishtinako, OSBE-eski Misia ani Kosova realizingya kedipe pere medialune partneryencar sar Roma in Action – RIA, Radio Romano Avazo thay Radio Gracanica vash te diskutinen o teme thay o avutne planya vash o bersh 2026.

Akava kedipe phiravdilo kotar e Cordelia Lafferty koya sakoyaver angashingyola vash phikoipe e mediengo thay e romane komunitetesko thay o lokalune butikerutne e OSBE-eska emisiako ano diza kote akala medie funksionena.

Janipeya kay o romane medie kola si may aktivune thay pasharna informacie pe romani qhib thay tretirinena o teme ano interesi e romane komunitetesko ano trin komune sar Gjakova, Prizren thay Gracanica, silen tikno yase nanelen phikoipe kotar o institucie, OSBE ano agorutne bersha phikoinela akale medien vash te na aqhaven piri medialuna thay informativuni buti.

“Siyem barikane kay lugyara te phikoina lengiri buti jikay on kreirinena radiofonikune emisie, televiziake programya thay podkastya kola uqharena o esencialune thay mahatne teme vash o komunitetya, civiluno registripe, edukipe thay siklipe, sastipe ji pe pe qhibyake hakaya, lokalune politike thay violenca.”, hraminla ani OSBE-eski qham ano facebook.

OSBE potencirinla kay o programya phikoinena ano ulavipe e informaciako thay bayaripe e gojaveripasko kreiripa yekh than thay ambienti vash o juvlenge thay ternenge avazya.

Pe agor inkurayinena sa e dizutnen kay te dikhen vi te shunen o avutne storie kotar sah e Kosova.