Yekh lekcia pederal e Specialuni Krisalin ano ambientya e Mashkaruna Skolake “Xhevdet Doda” ani Prishtina vazdingya bare thay ver-verune reaguipya kotar o organizacie thay institucie.
E Specialuni Krisalin dela klarifikipe phando e lekcia e siklovnencar ani Prishtina, konfirmipa kay ani Kosova realizingyona informativune aktivitetya shrdipa e bershestar 2018 sar kotor e Programesko vash Informaciako Buhlipe, inkludipa e siklovnen, lokalune komuniteten, jurnalistyen thay avokaten.
Avazdeutni Angela Gripe phenla kay ano akala kedipya thay lekcie mothavgyola vash o mandate thay krisalinake procedure, pasharinindo publikuno informipe sar ani oficialuni qham e akala krisalinaki. Thay o informipaske ekipe organizinena lekcie e studentyenge grupencar ani Prishtina shunipa vi olenge godinipya phandi akaya krisalin.
Jikay e Siklipesko Direktoriati ani Prishtina reaguingya angloinformipa mase mamuy o organizatorya e akala lekciako. Feriso mashkaro Skolako Direktivuno Koncili, bizo autorizipe e Direktoriako, e organizacia e YIHR organizingya akava aktiviteti.
