Ano rami e programesko ROMACTED II, khetanipaski inciyativa e Evropako Konsilesko thay Evropako Unia vash promovipe e laqo rayipasko thay zoralipe e romane komunitetesko ano lokoaluno niveli, adikerdili Konferenca vash Mashkarthemutno Dive e Romana Qhibyako. Tema akale bersheski, sine “Roman Qhib – Historikuno Kustikipe”, sinle res vash te dudinol ovipia vash hakaya e romana qhibyake thay te ovel angazhipe rayonaluno vash garavipe thay promovipe romana qhibyako.
Konfrenca putardili yeka tikni performance ani Romani qhib, kote sine bahtakripiya e versave semno mashkar themune reprezentusiya thay loklaune reprezentusiya, mashkar lende r. Tankut Soykan kotar ofisi Evorpako ani Kosova. Mashkar olende sine vi rny. Emilija Redzepi, talisheruniministra vash minotritetenge bukya thay manushikane hakaya, thay eksperti r. Ljatif Demir, profesori e romana qhibyako ano Universiteti e Zagrepesko.
Kotorlehtune sinlen shayipia vash te diskutinen pederal sfide vash inkludipe e Romana qhibyako ano instituciye edukipaske, ani angluni sesiya e konferenca, kote vakerutne sine sikavne thay reprezeuntsya kotar Albaniya thay Kosova. Kaya sesia, moderimi kotar r.Sejnur Veshall kotar BRO “Durmish Aslano,” kote sikavidile pharipe thay angazhipe vash garavipe e Romana qhibyako ano skole.
dutyo sesia, semno tema sine promovipe thay gravaipe e Romana qhibyako prekal kulturune aktivitetya thay mediye. E kontribuiteya ano kava diskutipe sine ofisialune thay sherunte medeyengo sar r.Fatmir Menekshe, direktori radiosko “Romano Avazo”, Taloministri Syleman Elshani kotar Ministria, Kultura, Terne thay Sporti, Diskutipe moderisalo kotar zhuranlisti r.Avdi Misini, kote kotorlehutne ulavde eksperince vash semnipe e romana qhibyako ano mediye thay ano kulturne aktivitetya.
Konferenca agorisali e yeke lafipae r. Ljatif Demiri, kote vakergya vash semnipe garavipe thay promovipe e Romana qhibyako sar kotor e kulturuno kustikipasko ani Evropa. Napal agoripe e konfrencako, kotorlehutne khardile vash yek habe, kote diskutime vash avutne ledeipiya ani yek may inromaluni atmosfera.
