Kosovaka Republikaki Butikeripaski Agencia (APRK), mashkaro phikoipe e Ministriako vash e Buti, Familie thay Mestipaske Marevake Moldipya (MPFVLÇ) thay e Germaniake Raipasko mashkaro GIZ-i, akharla sah e manushen pederal 22 bersha kola redena buti te aplikinen ano Korkorobutyaripasko Programi 2026.
Programi pasharela:
– Treningo vash biznesesko avansipe thay kreiripe e bizneseske planesko;
– Grantya ji pe 6,000€ vash kinipe e aletyengo thay makineriengo;
– Mentoripe thay profesionaluno phikoipe vash 12 qhona.
Anglunipe delape e juvlenge, ternenge NEET, haricune komunitetyenge thay hendikepyune personyenge, thay e biznesyenge kolenge ideye siton ano kreiripe, habesko laqharipe, TIK-eske, obyektyengo keripe, artizanatya thay kreativune industrie.
Aplikipesko agorutno vahti si ji pe 30.to nobembari 2026, ji pe ora 16:00.
O aplikipya manglape te ningyaren ano Butikeripasko Ofisi kote siyen registrime.
O pherdo kharipe thay o formularya vash aplikipe shay arakhena ano akava linki: https://aprk.rks-gov.net/Home/PublicationsDetails/61





