Vitia na si surya e HMPV ani Kosova.

Ministri sastipasko Arben Vitia janglargya kay ani Kosova na si ni yekh suro e virusea HMPV.Ani yekh konferenca vash o medie, ov potenciringya kay lele sa o bacakya tesine kay si te mamyungyon e situacia phando akale virusea kova phajrilo ani Kina.

“Na simen ni yekh suro e virusea HMPV. Kotar e instituciya vash sastipe siton ano kontaktya e mekanizmyencar kola si may adekuadno vash te egzistinel akava problemi thay siem ano kontaktye OBSH (Lumyaki sastipaski organizacia). Ano momenti kana si te iklol o angluno suto yekhatar simen te la mase. Na si than vash ni yekh panikake , te sine kay ovla e situacia panikake amen odoya ver simen te iklova informaciencar” phengya Vitia.