Albert Kinoli – deputeti e Kosovake Parlamentesko vash o 11.to legislature sar kotor e Multietnikuno Grupako informinla e publikune opinione vash o Parlamentarune Komisie kote ov ka ovel kotor.

Deputeti Kinoli ka ovel sheruno vay ka phiravel e Komisia vash o Publikuno Administripe, Digitalizmo, Lokaluno Guvernipe, Media thay Rayonaluno Avansipe.

Desar akalestar ov ka ovel o duyto talosheruno e komisiako vash Legislacia, Mandatya, Imunitetya, Kupatnaki Regulativa thay Upraldikhipe e Agenciako vash Korupsiako Angloaqhavipe.

Thay o aver komisie kay ka lel kotor si: Komisia vash e Kultura, Turizmo, Sporti thay Terne, Komisia vash e Komunitetyenge thay Iranipeske Hakaya thay Interesya.

“Dava lafi kay koncentripa thay godornipe ka angazhingyovav ko komunietetesko thay publukuno interesi.”, phenla o rayo Kinoli.