Pe data 08.01.2024 e ry Flora Maksuti aktivista kotar e diaspora adikergya kedipe e romane juvlencar.

Ano kedipe sine yekh baro gendo e romane juvlengo qhay qhayengo kote diskutinde ververutne teme kola qalavna ani direktyuni forma juvlano jivdipe,pederal o kedipe sine nesave mahatne teme kola diskutisale thay dendile ideye vash laqharipe e juvlange jivdipaske, yekh e may mahatne temendar koya diskutisali si oganizipe yekhe infermierako ani mahala vash o medicalune servisya ji kay but ver na silen kondiciye vash pokipe akale servisyengo, yekh aver ideya sine kay te ovel kurkyune yase qhonyune kontrole ko ververtne saslarne.

Pederal o lafipya sine socializipe mashkar o juvla thay kualiteno vahtesko phiravipe ji kay sine yekh laqo signali kay o romane juvla siton gadiserde vash kedipya organizipya thay aver socialune aktivitetya.