Ano Berlini qhivdilo hrami vash yekh nevo lekanipe vash koalicia mashkaro CDU/CSU thay SPD, puteripa o drom kay e CDU-esko sheruno, Friedrich Merz, te del lafideipe sar nevo Germaniako Kancelari. E motoa “Godornipe vash e Germania”, 144 qhamyengo lekanipe potencirinela o fokusi vash ekonomia thay socialuno trego, zoralipe thay garavipasko thay vastipe e artificialuna inteligenciako vash publikuno siguripe.
Koalicia planirinela mase vash telaripe e energiake kostoske, tatimeyenge stimulaci vash o butyarne thay lokhipe vash o telune thay mashkarutne kategorie. Ka riinargyol e teluni norma e TVSH-eski ano hoteleriako sektori kotar o bersh 2026, jikay o Krisi vassh e energia ano obyektya ka yaverinel o Takyaripasko Akti yekhe may fleksibilune aksesea.
Ani migraciaki umal, ka pezulingyon o programya vash o volenteruno akseptipe thay rekhetanipe, jikay o jene kola ka mangen azili ka irangyon ano samatrede ano koordinipe e europianyune partneryencar.
Koalicia aqhola pakivali tali Parisesko Lekanipe vash e Klima thay e obyektiva vash klimako neutraliteti ji pe 2045.to bersh.
