Humanitaruni organizacie, Romano Duti thay Babace, ano yekhto dive e Kurban Bayramosko, qhinena 3 gurumna kola kindile mashkaro diasporake romenge jene vash te ulaven o masa vash o romane qorole famile.

Akala duy organizacie pashe 1 qhon may anglal kerde yekh lekanipe vash partneriteti thay akava bersh, lelepe kan kay yekhethane te realizinen akaya akcia vash te keden love kotar o diasporake interesime jene vash te qhinen kurbanya vash o Kurban Bayramo. On may buderi koncetrisale ko yetimya e palo yetimya vi ko aver qorole famile.

Desar akalestar, akala duy organizacie mashkaro lengoro partneriteti gatiserde vi yekh klipi kote dikyola sar qhinde e gurumnen thay ko si o manusha kola qhivde love vash te qhinen e gurumnen, video kova ulavde mashkare pere socialune rafina thay ano poro youtube kanali.

Vash may buderi dikheni o linki: https://www.youtube.com/watch?v=tuakNIsPsX0