Erati khardili avrirenduni seanca palo informipe kay yekh 49 bershuni juvli tasavdili kotar olako jest toverea. Akava vazdingya bare diskucie thay reaguipya ani sah Kosova, feriso o medie ikalde e rahmetliake rodlarina kote andar odole hramime lila desar e adresipastar e violence thay o darakeripe thay o riziko vash jivdipe.

Numay desar akalestar, o na vahtune reakcie kotar o institucie sar Prokuroria, Krisalina thay Policia, o anglodikhlargya vi poro meripe.

Thay vash akaleske e Kosovako Raipe akhargya avrirenduni seanca, kote sine ver-verune debate, akuze thay deklaracie upral akala tasavipaske surya, kote andar akava bersh tasavdile 8 juvla.

Kosovaki Kupatni votuingya e 67 votencar yekh rezoluta phando e tasavipa e yekha juvlako kotar poro jest ani Pekyaki Vitomirica, mashkar kola anglo dikhlargyola o kreiripe e yekhe parlamentarune komisiako kova ka lelpe e rodlaripa vash akava suro.

Kreiripe e parlamentaruna komisiako sila o yekhto viran e rezoluta, koya andar peste akharla vi yekh baro gendo e masengo kola dikhlargyona te aqhaven e violenca thay te pashharen phikoipe vash o familie kola arakhenape pharipencar.

Ano rami e rezolutako dikhlargyola vi kreiripe e yekha liniako vash konsultipe bizopokipe vash o familie thay o qiftya, vi ayekha sigurime e specializime servisyengo vash angloaqhipe e zoreske gestyengo. Vi ayekha e rezoluta dikhlarela vi pasharipe e psikologikune konsultyengo thay e edukipasko vash angloaqhavipe e violencako ano terne bersha.