May hari 21 palestinezya kola si nashle, buderi olendar qhavore, nashalde po jivdipe kotar o baro shili ano Nashlipaske Kampya ani Gaza.
O meripya ule mashkaro familie kola jivdinena ano improvizime khera kola pasharena tikno garavipe kotar e yevendeske phare kondicie, angloinformipya yekh humanitaruni katastrofa janipa kay o shil pandar si te phiravgyol.
O gendo e viktimengo si 18 qhavore, may buderi tikne bebe kola sovena ano tende bizotatipe, bizo izolacia thay yevendune temelune furnizipya.
O metereoligikune ofiserya e Palestikane phende kay yekh nevo sistemi e tikna presia shrdingya te qalavel e Gaza, kote sine bare brishina, zorale balala thay telune temperature, kola resna 60 km/h ano nesave thana, kote ruminde milencar tende thay buderi obyektya kola sine harica rumipe kotar o bombe.
