Kosovaka Republikaki Presidenta, Vjosa Osmani ajukergya ano kedipe e Komandante e NATO-ska Khetanyune Forcenga Komandako ano Napoli, Admirale George M. Wikoff, kova lela piri butyaki obligacia ki yekh may stratejikuni komanda e Vrtloatlatikuna Alencaki.
Osmani bahtakergya e Admirale Wikoff vash e nevi pozicia thay mothagya poro pherdo pakyavipe vash leskoro liderishipe vash e siguracia, rayonaluno stabiliteti thay mashkarselikano shandipe.
Yekhe dromeya, e presidenta konfirmingya o fokusi e Kosovako vash o lugyaripe e khetanebutikeripasko e KFOR-eya thay kay o than aqhola yekh pakyavno partneri, jando thay kontributori ani siguracia thay rayonaluno stabiliteti, demokracia thay krisesko thagaripe.
Jikay o sherunoministri ano obligipe Albin Kurti, yekhedromeya palo bahtakeripe e neva poziciako sar Admirali, mothagya kay mashkaro dromiripe e Kosova si yekh sukseseski storia vash o NATO, kote naysikergya vash o mestipe, biumlavdipe thay ekonomikuno avansipe.
Vi ayekha informingya e Admirale Wikoff vash o rezultatya e Kosovake instituciengi vash mamuyipe e organizime krimea, krisesko zoralipe thay o investicie ano garavipasko sektori.
