Evropaki Komisia konfimringya kay sah o masa kola qhivdile vash e Kosova shay te cidingyon andar nesave kurke, kobar te agorinen andrune procedure ano Brukseleske strukture.

Jan Koopman – direktori e Direktoriatesko vash Buhlipe, mothagya kay khetane e masencar kola cidisale, vash e Kosova mestisale pederal 400 milioyna euro.

“Mashkaro programipe thay kontraktipe, ani efektivuni qhand, ano avutne kurke ka cida sa o financionalune mase. Kaya si e buti koya vakergya amenge amari Presidenta thay oy planifikinela te kera akana, vi ayekha odova so pe qaqhipe vi amen kera  ani praktika.”, phengya o Koopman.