O sherunoministri ani obligacia, Albin Kurti, ajukergya e Turkiyaka Republikake ambasadore ani Kosova, Sabri Tunc Angili, kola diskutinde vash o bilateraluno partneritetesko kreiripe.
Mashkaro ofisialuno informipe e Sheruneministreske Ofisesko, Albin Kurti, moldingya buderi o jiakanutno khetano butikeripe, may buderi ani siguraciaki thay garavipaski umal, vi ayekha e Turkiyaki mahatni rola ani NATO-ski misia ani Kosova.
Akava khetanobutikeripe ka lugyargyol pandar ano avutnipe. Desar akalestar ano kedipe tretirisalo vi vash e ekonomiako thay kinbikinibasko raporti mashkaro duy rashtre. ZKM phenla kay ka organizingyol yekh forumi e biznesesko, kova o yekhto adikerdilo ani Stambola ano bersh 2024, akava bersh si te organizingyol ani Prishtina.
Thay pe agor hraminla kay o ambasadori Angili bahtakergya e sheruneministre vash o vijaipe e alosaripyengo e 28.to decembareske 2025.
