O Krisipe mamuy o eks-sherune e Kosovake Mestipaska Armatake adive khuvela ani agoruni faza, shrdipa e agorune deklaraciencar kotar e krisipasko procesi mamuy o Hashim Thaqi, Kadri Veseli, Rexhep Selimi thay Jakup Krasniqi.

Palo agoripe e provenge deipasko thay e argumentyengo kotar e Prokororia thay Garavipaski Avokatura, akaya faza hraminla o agorutno bajako angli agorutni deciza e krisipaske trupesko ano Specializme Livne e Kosovake ani Haga.

O phandipaske deklaracia si planifikme te dengyon ani perioda 9 ji 18, kote pe starti o alav ka ovel e Prokuroriako, namal e e akuzime jenenge garavipaske ekipyengo, thay pe agor e akuzime jenenge alava, te sine kay mangna te deklarinenpe.

O Kosovako eks-presidenti, Hashim Thaci, eks-sherunoparlamentarya Kadri Veseli thay Jakup Ksaniqi, thay eks-deputeti Rexhep Selimi deklarisale sar bi-kabahateske vash sah o akuze.

On akuzingyona vash penalune aktya sar marevake krimya, torturipe thay bilegitaciako tasavipe, krimya mamuy o manushikanipe, brandipe, nashalipe e manushengo forca thay darakeripe vi aver bilaqhe aktya.