Europaka Uniaki Avrune Politikengi Shefa, Kaja Kallas bahtakergya e sheruneministri Albin Kurti vash formiripe e raipasko, potenciripa kay akana manglape te ovel o mahatnipe te phirgyol sigipa ano realizipe e reformyengo.

Vi oy postingya ani platforma X kay akana si o momenti vash te avansingyolpe ano ledeipya e Europaka Unia, dialogi Beograd-Prishtina thay so may sig te realizingyol o uqhe nivelesko kedipe.

Mashkaro avansipe shay te deblokiringyon e EU-ako phikoipe e shel milioyna euroncar vash te ovelpe anglipe ano dromiripe ko EU.