Nesave Iraneske manusha angloinforminde kay e Ajatolahesko qhavo si abokar qhelalo kobar leskoro dad. Nesave dizutne rovnape kotar o nevo Ajatolahi jikay vi e Teheranesko foro phergyola ano naysipe thay respektesko ulavipe vash o alosaripe e neve Ajatolahesko.

Mojtaba Khamenei alosardilo neve Supremyuno Sheruno e Iranesko, puranokurko palo tasavipe e Ajatollah Ali Khameneisko mashkaro yekh atako e raketencar ani yekhto dive e marevasko.

Mojtaba si 56 bershuno, si yekh may zorale manushendar e klerikalune establishmetesko ano Irani thay bershencar sine seriozuno kandidati vash te ovel Ajatolahi palo dad.

Izralei dengya lavi kay ka tasaven sah e Iraneske Ekspertyengi Asamblea jikay e Britaniaki Avruni Ministria angloinformingya kay lesko anavipe na mangla te phenel daykh yaveripa vash o Irani.

Jikay o Irani provikenala vi e Turkia, feriso duy balistikune rakete ushkavde e Turkiaki havayaki samatreda thay deaktivizingyola kotar NATO-sko mamuyhavayako garavipe.