Garavipasko Ministri, Ejup Maqedonci informinla kay ajukergya ano kedipe e Blanca Hereza, koya si shefa e aktualune operacioynengi, jikay vakerde vash o aktualune ovipya e Garavipaska Ministriake thay e Kosovake Sigurariake Forcenge, vi ayekha vash o avutnipaske planya.
“Sine barikanipe thay specialuno pativ te ajukerav ano kedipe e ry. Blanca Hereza U.D. – Shefa e aktualune operacionyengi, Divizia e Operacioynengi e Generalune NATO-ske Shtabeski. Potenciringyum kay siyam lugyaripa amaro fokusi te koordiningyova thay te kera buti khetane phande e KFOR-eya thay e NATO-ska Goditeutnenga Ekipa, jikay amaro obyektivi aqhola o kotorleipe ano NATO, kay amaro than thay FSK te lugyarel o zoralipa te del kontributi vash garavipe e stabilitetesko thay e shandipasko.”, phenla o Maqedonci.
