Jikay o Albin Kurti phenla kay o lokalune serbya nanelen problemya, numay e Kosova sila problem e Beogradea koya na distancisali e Putinea thay e Milosevicea. Desar akalestar o sherunoministri Kurti, lepargya sah o benefitya kola silen e Kosovake serbya garantime Konstitucia.

“Kosova si demokrativuni republika. Simen but avancime hakaya vash o minoritetya. 10 thana rezervime ano parlamenti, serbyuni qhib ofisialuni, 10 kotar o 38 komune si e serbyune buderipa. 17 pe shel e Komunalune Kupatnengi ani sah Kosova si serbyune. Kera khetane buti shuka. Sima e minister Nenad Rashiq, sima trin taloministrya thay manga e serbyengo integripe. Thay o lokalune serbya silen beraberune hakaya e sah dizutnencar ani Kosova.”, phenla o Kurti.