Kosovaka Kupatnake deputetya nashti reste te anavinen e neve president andar o konstitucionaluno vahti, keripa kay e Kupatni te ulavgyol  (dagetingyol) thay o than te khuvel ano anglovahtuno alosaripasko procesi.

Palo ver-verune tentative thay séance, konkretno pe ora 00:00, e Kupatnaki sheruni, Albulena Haxhiu, deklaringya kay baziripa ano aktkrisipe e Konstituciaka Krisalinako, e Kupatni konsideringyola dagetimi.

Albin Kurti akuzingya e opozicia vash o nakhetanebutikeripe, phenipa kay e majoranca pashargya iklipe, numay on na akspetime, ini soske propozisale duy kandidatya vash presidenti sar si e ry. Feride Rushiti thay Hatixhe Hoxha.

Mashkaro aktikrisipe e Konstituciaka Krisalinako pe 25 marti, palo nashti resipe e presidenteske alosaripasko, e Kupatni automatiqno dagetingyola thay o than musay te adikerel alosaripya andar 45 dive.