Erati realizisalo “Yekhipasko kedipe” e Kosovaka Demokrativuna Ligako, kote e Vjosa Osmani reprezentisali sar kandidata vash presidenta.

Akava sine yekh baro kedipe, kote mashkaro akala partiaki himna thay o flagya e legendarune presidenteske Ibrahim Rugova, startuingya o lafipe e sherunesko Lumir Abdixhiku, kova si vi kandidati vash e Kosovako sherunoministri.

Ov deklaringya kay e Vjosa Osmani startingya yekh nevi politikuni etapa, kolako res si te kerel yekh thay te zorakerel o than.

Palo olesta lela lafi e Vjosa Osmani, koya akuzingya e Vetvendosye kay refuzinde 51 pe shel e votengo saday vash te elimininen e presidenta koya beshti e Amerikake Yekhune Rashtrenge presidentea.

Oy phengya kay o qhaqhipe si ki lengi rig jikay olen silen saday e propaganda.

“Si odolendar kay akharna peste sar nashti yaveringyona adikarinindo e dizutnen dara thay linqimyenge viktime. Kaski godi ka hala sine kay 27 bersha palo mareva, daykhoro ka konsiderinel bariera o fakti kay e Kosovake putardile o vudara e mashkarselikane forumyengo, jikay on korkore nashti reste te reprezentinyon odote.”, phenla e rayni Osmani.