Ano Prizreno, startipa 8 ji pe 13 septembro 2026, ka adikergyol o II.to Mashkarselikane Teatrosko Festivali ani Turkyuni Qhib, kote ka len kotor o teatralune trupe thay artistya kotar e Turkia, Italia, Vrtloriguni Makedonia thay aver thana.
Pe lungipe e 6 divengo ka performingyon teatralune khelipya, eskpozicie, pustikengo promovipe thay ver-verune kulturune aktivitetya.
O Festivali putergyola pe 8.to septembro, pe ora 20:00, e drama “Majestik” kotar e Izmiresko Rashtruno Teatro, ano Kulturako Kher “Xhemajli Berisha” – Dizako Teatro “Bekim Fehmiu”.
Ano rami e puteripaska ratyako ka prezentingyol vi e Fotografiaki Ekspozicia e Kosovake Turkyune Teatroski, thay yekh qhavorengi performansa.
Festivalesko res si te barvakerel ano kulturuno jivdipe ano Prizren thay te bayarel e turkyuna qhibyake teatroski prezencia ani mashkarselikani arena.
