Romano aktivisti, Emrah Cermjani reaguingya phando e raportime suroa kay ani funduni skola “Mustafa Bakija”, ano procesi e siklovnenge sistemipasko ano anglune klase vazdisale nesave bishandipya vash o biberaberipe e tretiripasko e haricune komunitetyenge siklovnengo. Anglune informacie ulavdile kotar Kallxo.com kola realizinde yekh kronika phando akale suroa.
Cermjani shukarajukergya e Gjakovaka Komunaluna Siklipaska Direktoriatesko intervenipe vash e paralelengo ri-sistemipe, phenipa kay akava sine yekh mahatno institucionaluno bajako vash garantipe e siklovnenge beraberune tretiripaske.
“Sakova qhavoro merituinla beraberuno tretiripe ano siklipe”, potencirinla o Cermjani.
Ov informingya kay ka lugyarel te monitorinel akava suro, potenciripa kay o beraberipe ano siklipe manglape te startinel e beraberune tretiripe vash sakova qhavoro.
