Sejnur Veshall – taloministri vash o Terne thay Sporti kotar e partia PREBK, arakhlape e Siklipeski thay Skenciake Taloministroa, Muhedin Nushi.
Ano akava kedipe kay realizinde o duy taloministerya diksutisalo vash duy mahatne virayna vash e romano komunitetesko siklipe.
O yekhto viran si o Ikludipe e romane komuniteteska historiako, kulturako thay e tradiciengo ano skolake tekstya ano anglouniversitaruno siklipe thay o duyto viran si o Ri-dikhlaripe e plan-programesko vash o romana qhibyako fakultativuno siklipe thay botuipe e neve skolake tekstyengo vash e romani qhib.
“Duy mahatne bajakya vash yekh may sahastarno siklipe thay garavipe e romana qhibyako, kulturako thay identitetesko.”, hraminla o rayo Veshal.
Akala duy virayna o rayo Veshall mothagya kay si nesave procesya kay aqhile palal palo kedipya thay vizite kay sinele e penjarde organizaciencar thay aktivistyencar.
