Janipea kay erati puterdilo o Aplikipasko Procesi vash o Elektrikuna Energiako Subvencipe, e LRPK partia informinela mashkari piri ofisialuni facebookeski qham kay ka asistinel e romane dizutnen vash te aplikinen ano akava subvencionipe.
“Palo buderune rodlarina kotar e romane komuniteteske dizutne vash phikoipe thay asistipe ano aplikipe vash realizipe e hakayengo thay vijaipyengo kay shayisalo kotar e Kosovaka Republikako Raipe, LPRK, ini soske ani opozicia, decizingya te puterel pere ofiseske vudara vash te iklol pe phikoipe vash amare dizutne.”, hraminla ano LPRK partiako postipe.
Baziripa ano aplikacia, LPRK ka pasharel phikoipe ano trin umala:
- Asistencia ano aplikipe vash elektrikuna energiako subvencionipe;
- Phikoipe ano instrukcie vash ver-verutne aplikipya;
- Informipe thay konsulte vash aver puqipya kote shay pasharena phikoipe.
Ajukeripasko orari startingya kotar e Marte Dive ko olengo ofisi kova arakhlola ano drom Joni, lamela II, sakova bukyako dive, startipa e oratar 11:00 ji pe 14:00.
