E Ministria vash e Buti, Familia thay Mestipaske Marevake Moldipya informinla e dizutnen kay puterdilo e aplikipasko vahti vash vijaipe kotar o Programi vash Garavipe e Rizikime Konsumatoryengo e Elektikuna Energiako vash o bersha 2026-2027. O phikoipe pashargyola sar forma e energikuna elektrikake faturako subvecionipe vash o familiarune ekonomie kola pherena o kriterya mashkaro akava programi thay decizia.
Ko shay aplikinla?
Hakay vash aplikipe silen o familiarune ekonomie kola pherena e Programeske kondicia thay kriterya. O aplikipe ovela kotar yekh jeno vay kotorleutno e familiako kolesko anav phangyola e elektrikune energiake sahatea. Sah o detalya, sar o sheruno kriterya vash vijaipe situmen ano linki: https://mpfvlc.rks-gov.net/…/programi-per-mbrojtjen-e…/
- O aplikantya manglape te oven dizutne e Kosovaka Republikake kola silen savahtuno beshipe ano Kosovako territori yase o avrune kola silen e savahtune beshipasko lil;
- O mashkarutne qhoneske pokipya vash yekh perioda e 12 agorune qhonyengi ani Familiaruni Ekonomia, te oven beraberune yase may hari se sheluparesh euro (150 €) vash yekh kotorleutno e Familiaruna Ekonomiako;
- O theripasko komulativno moldipe koya silen e famila te oven beraberune yase may hari se shelmile euro (100,000.00 €);
Sar aplikingyola?
O aplikipe ovela mashkari platforma eKosova, ani kategoria e servisyengi “Familia”, ano linki: https://ekosova.rks-gov.net/Service/1
Familie kola nanelen shayipe te aplikinen ani elektrikuni forma shay te len phikoipe kotar o Socialune Bukyenge Centarya.
O aplikipe startinla 19 oktombarea 2026 ji pe 31 marti 2027. E subvencia startinla kotar e aplikaciaka aprovipasko qhon thay na implementingyola ani retroaktivuni forma. Vash te vijaine andar e programeski perioda, rekomandingyola te aplikinen yekhatar.
Mahatno si verifikipe thay koperacia tumare informaciengi
O deklarime informacie pe lungipe e apkikipasko verifikingyona kotar o institucie. O hovavno deklaripe yase na pherdo shay te rezultinel refuzipe e apkipaski yase te iranel palal o vijaimo phikoipe.
Informacie thay kontaktya
Palo klarfikiacie thay pherune informacie shay te hraminen amenge yase te kontaktinenamen ano akala adrese:
subvencion.energjia@rks-gov.net
Phikoipaski Masa, Qafa 1, p.n, Telefoni – 038-200 27 277
APLIKINENI PE VAHTI THAY SIGURINGYOVENI KAY O DEKLARIME INFORMACIE TE OVEN QHAQHUNE.
