Deputeti Albert Kinolli arakhlape e Kupatnaka sheruna, Albulena Haxhiu: Rodela avansipe e romane komuniteteske hakayengo

Prishtina, 28.to oktombri 2026

Kosovake Parlamentesko romane komuniteteske deputeti, Albert Kinolli, kotar e Partia e Romane Yekhipaski pi Kosova, informingya kay realizindoy kedipe e Kosovaka Republikaka Kupatnaka Sheruna, Albulena Haxhiu, kote diskutisalo o institucionaluno reprezentipe thay avansipe e romane komunitetyenge hakayengo.

Mashkaro yekh publikuno postipe, Kinolli janglarla kay pe lungipe e kedipesko potencirisalo o mahatnipe e dinyitozyune reprezentipasko e romane komunitetesko ano thaneske institucie, vi ayekha kay rodingyola o konkretuno institucionaluno angazhipe ano sfidengo adresipe kolensar mamuyingyola akava komuniteti.

Mashkar leste, o romano komuniteti sile mangipe vash may buderi shayipya, beraberuno reprezentipe thay biaqhavdo phikoipe kotar e Kosovake institucie.

“Romano komuniteti merituinela may buderi shayipya, beraberuno reprezentipe thay konkretuno institucionaluno phikoipe. Leskoro avazo manglape te shungyol ano sakova decizialeipasko niveli.”, deklarinela o Kinolli.

Deputeti potencirinela kay vi ayekha o rodlarina e romane komunniteteske manglape te oven biaqhavipa kotor e institucionaluna agendako, hramipa e dialogesko mahatnipe thay poltikune khetanebutikeripasko vash kreiripe e sahastarne instituciengo.

Ov ripotenciringya kay Olesko angazhipe vash te reprezentinel e romane dizutnenge interesya, keripa buti vash beraberipe, integripe thay kreiripe e may laqhe prespektivengo vash o avutne generacie.

“Reprezentipe si godornipe. Komunitetesko avazo si obligipe. Angazhipe vash beriberi si misia.”, agoringya o Kinolli.