BRO Multietnikani Kultura e Kosovaki (MCK) organizinela edukativuno ekspozita “Jekh mila bershengo drom e Romengo” ano suro e Romana Qhibyake Diveske manifestipasko.
Mashkari facebookeski rafin, akala organizaciako reprezenti, r. Ridvan Gashi kharela thay informinela e audienca kay pe data 5.to Novembro 2026, startipa e oratar 9:00 ani skola Xhevdet Doda ani Prishtina, ka ovel puterdi e ekspozicia “Jekh mila bershengo drome e Romengo” kote mashkaro 20 informativune thay vizualune panelya, historikune fotografie thay edukativuno materiali, ka prezentiringyola e romani historia, kultura, tradicia thay qhib.
E ekspozicia ka aqhol puterdi 5.to novembarestar ji pe 9.to novembari may angle vash te vizitingyol kotar sah o siklovne e akala skolake numay desar akalestar vi vash o sikavne, dadalarya thay aver interesime manusha.
Vash may buderi mekha tumenge vi o originaluno hramipe kova lelem kotar o Ridvan Gashi.
“KHARIPE
Ko putardipe e kulturalno thaj edukativno ekspozicijako “Jekh mila bershengo drom e Romengo”
E BRO Multietnikani Kultura e Kosovaki (MCK) silen baht te akharel tumen ano ofisionaluno putaripe e kulturake thay edukativune ekspoziciako “ jek mila bershengo drom e Romengo.” Akava proekti si suportirimo taro Direktorati e Kulturako tari Prishtinaki komuna thaj kerel pe ko hramipe taro 5-to Novembro e lumiake rromane čhibjakere dive.
I ekspozicia ka putarel pes ko 5-to Novembro 2026-to berś, ko 09:00, ki shkòla “Xhevdet Doda” ki Priśtina.
Prekal 20 informativne thaj vizualno panela, historikane fotografije, thaj edukacijakere materialija, i ekspozicija prezentirinel e mija bershengi historija e Romane manushengi—kotar olengere origina ki Indija thaj olengere droma ko Balkano—sar vi o barvalipe e Romane čhibjakoro, kulturako, tradicijengo, thaj identitetoskoro.
O res kadale exibicijako si te promoviril thaj te arakhel o romano kulturako barvalipe, te del les maj dur e terne generacijenge, te vazdel o interkulturalno dialogo, te del zor pala o respekto pala e diverziteto thaj egaliteto, thaj te marel pes e predrasudenca. I exibicia ka ovel putardi e vizitorenge trin divesa jekh pal aver, katar o 5-to Novembro ci ko 9-to Novembro 2026.
Tumari prezenca thaj kotorleutnipe ka ovel baht amenge thaj ka služinel sar signifikantno suporto vash promocia e romane historijaki, chibjaki, thaj kulturaki ani Kosova”
