Ministria vash o Sastipe janglarla kay o manusha kola ikliste negative ano testipe vash o COVID-19, kotar e karantina ano Prishtinako Studentyengo Konvikti si te mestingyon vash te beshen pere kherende.
On ano pere khera si te beshen pandar duy kurke kote ka respektinen e M.S thay IKSHPK-eske rekomandipya.
“Ani aver rig o persoyna kay ikliste pozitiv ano testipe ka biqhalgyon ani Infektivuni Klinika. O dola kola na silen simadya e nasvalipaske, ka qhiven hrami ani Deklaracia kote ka han sovli, vash te phangyon pere kherende, thay ka oven ano amaro monitoripe.”
Te sine kay ushkavena o deciziye vash korkorophandipasko obligipe si te barandingyon mashkaro krisi vash o emergentyune situacie.
