Adive thay tahara, ano efta diza e Kosovake, rayonaluno centro, ka ovelola ekipa vash te vaksiningyon dizune  vash Covid-19. Mashkarovahti centro vash vaksinipe ka phiragyol  te ovel puterdo sakova dive.

Ekipe ka oven ano sherune centrya missal ani Prishtina, Prizren, Peya, Gilana, Ferizay, Mitrovica thay Jakova. Ji akana isiton administrime pedero 1,5 milionya vaksine vash Covid-19. Yekto doza isiton vaksinime 836,422 dizune,numay duyto doza lele 712,793 olenda.