Strategia koya miratisali ano 89.to Kosovake Raipasko Kedibe, akhardi sar “Strategia vash o romane thay ashkalyune komunitetyenge hakayengo avansipe ani Kosovaki Republika vash o bersha 2022-2026” andar peste akharela vi e kulturaki obyektiva.
Akaya informacia dela o ex-taloministro e Kulturako, Ternengo thay Sporti, kova sine angazhimo vash o inkuadripe e MKRS-eske digasteresko ani akaya strategia but mahatni vash amaro komuniteti.
“Amaro obyektiva sar e Ministresko kabineti sine: inkuadripe e MKRS-eske digasteresko ani akaya strategia, vash o sahastaripe (sahuqharipe) e institucionalune politikengo vash o komunitetya”, hraminla o rayo Veshall.
Obyektiva 5.3.2. si:
- Promovipe thay korkorojanglaripe vash e historia, kultura thay penjaripe e komunitetyengo rom thay ashkalie;
- Organizipe e sahastarde kulturune-artistikune aktivitetyengo: muzikake performance, teatro, foklori, ekpozite, baleti, dokumentarno filmya, artizanatyenge panairya, prezantipe e habengo/hashyengo sar kulturuno moldipe, organizipe e debatengo, truyale mesengo, traynipya vash o kulturake tematike;
- Organizipe e kulturune manifestaciengo vash e Romane komunitetesko Flagosko Dive (Mashkarthemutno Romengo Dive – 8.to aprili); kote mashkaro manifestipe sit e kontribuingyol ano promovipe e romane komunitetesko thay ano garavipe e kultivipasko e kulturune identitetesko thay nacionalune ano than;
- Phikoipe e aktivitetyengo ani kulurune kustikipaski umal: vash e kultura, qhib, historia, tradicie, zakonya;
- Avansipe thay vazdipe e kapacitetyengo ano sporti;
- Phikoipe e aktivityengo ani ternengi umal;
- Phikoipe e aktivitetyengo ani kultura thay hramipe e specialune komunittyenge divengo.
Desar akale rezultatestar, o rayo Veshall informinla kay pandar but bukya kola shrdime ano kuadro e MKRS-esko ano favori e romana kulturako si de agoringyon ano akava bersh.
