Komisioneresko Ofisi vash o Qhibya khetane e Organizacia vash Siguripe thay Khetanobutikeripe ani Evropa, Misia ani Kosova – OSBE, sakova bersh dela poqin vash o suksesune ovipya, grupacie thay individya kola garavna thay promovinena e qhibyenge hakaya ani Kosova.

Ano edicia e bersheski 2023, e yuria decizingya kay e BRO Nevo Koncepti, khetane e partneryencar: Durmish Aslano thay ROMTEGRA, vi e Rafin Ad Hoc, e organizaciencar: ISDY, KMLDNJ, KDI, Romani Baxt, Ec Ma Ndryshe, thay aver personalitetya, te alosargyon sar “May laqhe praktike ano Qhibyenge Vastipaske Krisyengo Implementipe”.

E poqin lelili kotar o Osman Osmani, yekhe dromeya ani prezenca vi e Fatmir Menekshe, Daut Qulangji thay e Sakibe Jashari kotar Europako Koncili kolenge phikoipa reslilo akava historikuno suksesi.

Akaya ceremonia adikerdili pe data 6.to februari 2024, ano hotel Swiss Diamond, ani Prishtina.