Boksi e alosaripasko ano 3840 themvotuipasko ka putergon pe ora 07:00 thay ka phangyona pe ora 19:00, numay hako e votipasko silen pederal 1.8 miloni votantya, kote ka votuinen vash 17 politkune partiye thay kualiciye.
Numay adive si te alosaren vi duyto runda presidecialuni, kote Stevo Pendarovski kotar kualiciya e LSDM-eksi mamuy Gordana Siljanovska-Davkova kotar kualiciya e VMRO-DPMNE-eski. Vash Presidenti ka alosargyol te sine kay resla cenzusi yase iklipe po alosaripe pederal 40% yase 720 mile votantya.
Rashtruni Komisia Alosaripaski (KSHZ) informingya kay adive sile shayipe vash te khuven ano thanvotuipasko saday yek ver thay ka pashargyol shayipe te votuinen vash presidenti thay deputeti yase saday yek kotar duy shayipe.
“Votantya lena duy qhandya votuipaske te sine kay decisina te votuinen vi vash presidenti vi vash deputeti yase saday yek qhand votuipaski vash alosaripe kote decisinena te votuinen”, informinela KSHZ.
Alosaripya ka diklargyon kotar 2000 diklharde, kote 1078 isiton themeske thay 770 diklarde siton avrune. Alosaripya siton pe dikhipe vi kotar 66 zhurnalistia avrune.
Misia e OSBE/ODIHR akreditisalo 410 dikhlarde thay 14 ekspertya. Alosaripe ka monitoringyon kotar 138 dikhlarde kotar Asambleya Parlamentuni e 0SBE-eski, komisiya ad-hoc e Asambleya Parlamentaruni e Evropako Konisili e 33 dikhlardenca, thay 68 dikhalrde kotar Ambasada Amerikaki ani sheruni diz vertolriguni Makedoniaki.
