Adive ano Key e shadervanosko adikerdilo yekh manifestipe e Kurban Bayramosko.

Romani Hojanica, ry. Gulcan Harbi Misini lela kotor pere siklovnencar ano akava manifestipe o Kurban Bayramo.

Mashkaro lako postipe ano poro profili oy naysikerla e sherune hoja, pakivale Orhan Bislimaj kova khargya thay kergya te interpetingyol poezia pe amara daki qhib e romani, prekal o Aras Veshall kolesko dat sine anglune tomane siklovnendar vash o dini angleder 20 bersha.Desar akalestar, palo akava aktiviteti e romani hojanica ulagya poqinya (poklonya) e romane tikne qhavorenge ani romani mahalla “Nysret Seharsoj” kola yekhe dromeya si olake siklovne vash o pherune orya vash o Dini Islam.“Te kere gayreti thay te rese laqhe bukya e manushe qhivna te kerel may buderi buti thay prastakerla te resel sukseya”, phenla e yekhuni romani hojanica Gülcan Harbi Misini.

Romani Poezia koya gilavdili ano aktiviteti si may tele:

Bahtallo Bayramo

Bahtallo Bayramo phralalen

Ushteni rano foshnalen

Lloshaloveni phejnalen

Adive siyam barvale

Amen manga te hasa

Ma holan nikasa

Ava vakar sakasa

Adive çhumina o vasta

Kurbani sitov vacibi

Muslimanesko nasibi

Ya Rabb tu ker kabulli

Pe vasta azdinga to kulli.