Mashkaro yekh ulavipe ano facebook, sheruno e partiako LPRK, r. Erxhan Galushi, ulavla yekh fotografia kote dikhlola e r. Senad Ibishi โ aktivisti e romane komunitetyengo kova may buderi se 10 bersha kergya buti ani romengi e yekh may bare organizaciendar Romengo, Ashkaliengo thay Egiptasyengo Avazo โ VoRAE.
Vi o Senad Ibishi mashkari piri socialuni rafin hramingya e partiako akronipe, anav thay o gendo kova iklosto ano shorti avdive. Jikay palo publikipe e hramipesko thay e fotografiako, ov ulavgya ano poro profili hramipa: Nevo shrdipe, ani yekh dinyitetyuni misia.
โSenad Ibishi kotar e Pekya khuvla e vijaipaska listate e politikune subyektyeski Kosovake Romengi Anglipaski Phiravlin ano anglovahtune alosaripya kola ka adikergyon pe 7.to yuni 2026.โ, phenla o rayo Galushi.
Napal ov prezentinla o kualifikipe e r. Ibishesko ano Politikune Skencia thay Master ano Mashkarselikane thay Diplomaciake Ledeipya, leski 15 bershuni ekpserienca ano civiluno amalipe ano garavipe thay avansipe e romane komuniteteske hakayengo.
โE jandipa, profesionalizmoa thay anghashipa, ov da kedl mahatno kontributi vash e komunitetesko avansipe thay institucionaluno adekuatno reprezentipe. Ani alosaripyengi lista e gendo 123, Senad Ibishi ka adikerel o gendo 2.โ, sine agorune alava e sheruneske Galushi.
