Iranesko presidenti, Masoud Pezeshkian yekhto ver direktisalo ko protestantya thay dengya yekh intervistua phando ekonomikuaka situacia ano nacionalune medie kola si phande e raipa.
Mashkari intervista ov phengya o “teroristya” kola si phande e avrune rashtrencar tasavena manushen, tharena Jamie thay atakinena o publikune thana.
“Iraneske dushmanya mangena te sivinen kaosi thay biregulipe deindo ultimatumi vash katastrofa”, phengya o presidenti.
Yekhe dromea ov vakergya vi beraberipaske avazoske tonea, phenipa kay e Iranesko sherunipe si pashe te shunel pere sel. Leskoro raipe si gatiserino vash te alosarel e manushenge ekonomikune problemya, mangipea kay o dizutne te distancingyon kotar o teroristya.
Mashkaro aktivistyengo raportipe e tasavde manushengo gendo si 544 jene, 48 sine siguraciake personelya thay 496 sine protestusya thay 10,600 personya arestisale ano akala 2 kurke e protesyengo.
