Direktori e BRO Roma Versitas Kosovo, r. Avni Mustafa ulagya yekh informipe kote mothavla kay nominisalo vash e pocin “Beshkesko Evropianni.

“Akava nominipe na si saday yekh personaluno penjaripe, numay biaqhavda bukyaki dikhavlin, stabilitetesko thay komunitetyenge avazengo thay sa odolengo kola pakyana ano beraberipe, manushikane hakaya, inkludipe thay dinyiteti vash sakova personi.”, hraminla o Mustafa.

Akaya pocin dengyola kotar e Europaka Uniako Ofisi ani Kosova vash o persoyna kotar o organizacie kola dende kontributi vash o promovipe e europianyune moldipyengo ani Kosova, thay ulavgyola ano suro e Evropake Divesko (9.to mayi) thay konsideringyola sar simbolikuno penjaripe, prestijiozno ani Kosova vash o manusha kola promovinena o evropianyune ideye thay moldipya.

Akaya pocin vijaingya e Shqipe Vela koya dengya 20 bersha kontributi ano juvlengo yeri, juvlengo zoralipe, shukarno raipe ano energiako sektori, mentoripe e qhayengo thay jubvlengo mashkari organizacia “Women in Energy and Mining”.