Adive si 16 mayi kova penjargyola sar Romengo Rezistenciako Dive, kova pelarla ki godi e rezistenciaki phud e romengo kola sine ano logorya thay adikeripaske kampya e nazistyenge ano Aushvic-Birkenau, kola nesave romane terne aktivistya refuzinde te oven pasivune mamuy e holaki thay nakamipaski qhib.
Akava dive pelargyola ki godi sakova bersh kotar sah e Evropa, civilune amalipaske organizacie thay o mashkarselikane institucie sar e Europako Koncili.
Ano akava dive pe 1944, o roma vazdime po shero kote e SS-eske kalarde dende ultimatumi te tasavgyon – likvidingyon e Aushviceske Zigeunerfamilienlager – romenge familie, kote adikergyona 6,000 roma. Numay o roma, lele pe vaste bandukya kola arakhle sar kacie, kashta, sastreyna, kote mashkaro kava ushtipe na mekhle te tasavgyon vash pandar nesave qhona.
3,000 roma trasnferisale ano aver kampya, jikay odola kola aqhile pe 2.to augusti tasavdile savore, may buderi o phure thay qhavore, tasavdile ano gazeske logorya ano Birkenau.
