Komisionera vash Europaka Uniako Buhlipe, Marta Kos realizingya vizita ani Kosova, kote arakhlape e Presidenta ani obligacia, Albulena Haxhiu thay e sheruneministrea ani obligacia Albin Kurti.

Paraskini diveski vizita ani Kosova si o yekhto vizita e Komisioneraki vash EU Buhlipe, e vahtestar kana on lela akaya pozicia ano bersh 2024.

E planifikimi vizita sine pe 12 marti numay vash o politikune sepebya, kote ano odova vahti e presidenta Vjosa Osmani ikalgya dekreti vash te pelarel thay ulavel e Kupatni.

Palo kedipya, komisionera Kos iklisti yekha konferencia vash o medie kote phengya kay nashti te ovel siguracia ani Europa bizo e Kosova.

“Si nesave sebepya soske siyem ano yekh kritikuno momenti. O yekhto, siyen anglo alosaripya thay o duyto si kana vakergyem adive vash e buhlipasko procesi vakergyem kotar yekh may buhli prespektiva. Odova so nakhava adive ano buhlipasko procesi si avansipe kova o yekhto ver ovela palo 2013 bersheste e Kroacia, kote akana egzistinena realune prespektive kay ano avutne bersha te oven neve rashtre sar kotorleutne.”, phengya e rayni Kos.

Desar akalestar oy phengya kay kobor e Kosova si te ovelola suksesi ano pheripe e reformyengo, kobor si te ovelola suksesi ano dialogi Prishtina-Beograd, abokay may buderi si te ovelolen shayipe te shrden o negociate, akaya si politika. Palo akala alava oy mangela kay o 2026 bersh te ovel yekh shayipyengo bersh vash e Kosova, kokay o te palo alosaripya ka iranelpe te vakerel may mahatne teme vash e Kosova thay EU, mangipa te potencirinel o aqhavipe e politikune grcyengo thay o biaqhile alosaripya stagnirinde o reforme.