Mashkaro yekh posti ani socialuni rafin, sheruno e partiako LPRK, Erxhan Galushi akharla e Prokuroria thay e Alosaripyengi Centraluni Komisia te tretirinel sigipa o puqipe kay si bipakyavipe vash qhelale vastipe e registripeske qaqipaske lilengo (deftesengo) kotar o PREBK-eske kandidatya ani Diaspora. Akaya informacia lelili kotar e socialuni rafin TikTok.
Yekhe dromea rayo Galushi kerla kharipe kay o jene kola registrigyona, te sine kay nane akseptime yase nane dendili olenge e registripasko qaqipasko lil vash votuipe avri thanesta, te mangenola yekhatar thay te raportinen sakova bangipe ano godorne institucie, phanipa o hramipe kay e Vota nashti qhelale vastingyola nikasta
Ani aver rig, diasporako koordinatori kotar e partia PREBK, r. Driton Hafizallari, respondinla kay e LPRK-esko sheruneske pretendipya nasi qhaqhune, si hovaipe thay dezinformacie kola ka ovelolen godornipe kote ka nakhelpe ano kompetetune instituciende.
