Direktori e Kosovaka Policiako, Rashit Qalaj, deklaringya kay 25 oficialune jene kotar e Kosovaki Policia si infektime kotar o koronavirus, kote olendar 11 sastile thay 14 aver si ano tretiripe kotar o sastipaske institucie.

O gendo e persoynengo kola si ano korkorophandipe si 138 gedno kova telisto e gendostar 390.

E Kosovaki Policia shrdingya te kerol buti e rregularune orareya, numay saday ano Prizrenosko rayoni kergyola pandar buti e lugyarde orareya, kova si 12 orya.

“O gendo e manushengo kay iklona po droma si but baro thay e Policia kerela sah so manglape kay te adikerel ani kontrola e carkulacia kote ano buderi surya e policia aqakerela e manushen kerena lafi olencar thay ano but hari surya on lena mase vash o persoyna kay na gndinena vash poro sastipe thay e amalipasko sastipe” phenlla o Rashit Qalaj.